حملة ساند وشجع منتخب مصر للوصول لحلم الملايين كاس العالم 2010

[img:4832]https://2img.net/h/oi28.tinypic.com/dqhc35.jpg[/imgimg]https://2img.net/h/oi28.tinypic.com/dqhc35.jpg[/img:4832]

حلم 80 مليون مصرى بمختلف الفئات
هو الوصول لكاس العالم 2010
حلم رواد الجميع بعد الانجازات التى حققها منتخب الفراعنة فى السنوات الاخيرة
حلم ينتظره كل مصرى يعشق كرة القدم من سنة 90 واحنا بنشاهد كأس العالم
ولكن نتمنى ان نشاهد كاس العالم بوجود منتخب مصر
احنا اسياد القارة وابطال العرب ازى مش نشارك فى كاس العالم ونلاقى دول افريقية
مع الاحترام للجميع احنا نستحق نكون فى المونديال دونا عن الجميع
ولكن نقول احنا ورا منتخب مصر مهما كانت الظروف ومهما كانت الصعاب المنتخب ده
زى مفرحنا وفرح كل العرب والمصريين فى جميع انحاء العالم بعد كل انتصار

بطلب من كل واحد مننا يقف ورا منتخب مصر ونساند الفريق ونديهم الروح والعزيمة
اننا ممكن نواجه اى تعثر ممكن يقف ادامنا
الانتصار مش بيجى الا من روح الجماعة والاحساس ان الفوز هو السبيل الوحيد

هعلق على صورة كانت فى كاس القارات لاحد المشجعين المصريين

روح الفوز عند الجماهير والمشجعين عالية جدا
وكان اجمل تعليق هو اننا مولودين للفوز وان 2010 فى الطريق وهنوصله
ان شاء الله

لاحظت كتير بعد مخسرنا فى ماتش الجزائر فى الجزائر ان الناس بدأت تتشأم
والروح المعنوية لدى البعض قلت والمشكلة الاكبر انهم بيهبطوا معنويات المصريين
وكان فى هجوم شرس على منتخب مصر فى الفضائيات ومن مقدمى البرامج
بدون ذكر اسمأء بعد الهزيمة فى الجزائر ولكن اول منتخب مصر لما وصل جنوب افريقيا
وشارك فىا لبطولة ومع اول مباراة وكانت مباراة تاريخية مع البراازيل الكل توقع ان مصر على
الاقل هتشيل دستة اجوان واننا هنتفرج على البرازيل فقط ولكن منتخب مصر بروح العزيمة اثبت
ان منتخبا جدير بتحمل المسؤلية وقدمنا عرض رائع ولكن .............

مع اول دروب للمنتخب لظروف كتيرة واصابات وتغيير فى خطة لعب فى يومين
لقينا الحال اتغير



ماتش امريكا العجيب اللى الكل كان مستعجب من المباراة
لقينا الكل قلب على المنتخب واتهامات للعيبة بالتقصير وانهم كانوا سهرانين مع بنات ليل
وكلام المفروض انه مش يتقال المفروض لانه بيهبط الروح المعنوية لدى اللعيبة والجهاز الفنى

ونيجى نتكلم ونقول فى يوم وليلة نسينا الفراعنة والسامبا



مين كان السامبا احنا كنا السامبا

تانى مبارة اللى مصر والعالم العربى خرج فى ا لشوراع احتفال
بالنصر على بطل العالم المنتخب الايطالى



يوم ماتش مصر والبرازيل لحظة لما منتخبنا اتعادل 3/3 مع اولاد السامبا منتخب البرازيل
شاهدوا معى احد المشجعين المصريين فى استاد المباراة



هل المصرى ده هو الوحيد اللى دمع وبكى من الفرحة لا طبعا ملايين المصريين بكى من الفرحة
اظن كل واحد مننا فى اللحظة دى كان ليه طقوسه فى التعبير عن الفرحة
يعنى منتخب مصر ده هو منارة الفرحة الوحيدة للمصريين بكل الفئات

وعيب علينا اوى مع اى دروب للمنتخب نهاجمه ونهبط من معنويات الفريق لازم كلنا ورا المنتخب
للنهاية ومش هنتنازل عن كاس العالم 2010 احنا الاحق بيه
احنا ابطال افريقيا 2006 فى مصر
احنا ابطال افريقيا 2008 فى غانا على التوالى
احنا اســـــــــــــــــــــــــــياد القارة

تعالوا معاى نرجع شوية للتاريخ ونتذكر نفس الموقف اللى احنا فيه مع منتخب الجزائر



كاس العالم 90
مبارارة مصر والجزائر بتاريخ 17/ نوفمبر /1989
ستاد القاهرة الدولى شهد صعود مصر كاس العالم 90 على حساب المنتخب الجزائرى
بهدف عميد الهدافين حسام حسن وصعود مصر لكاس العالم بعد غياب 56 عام

ووصلنا وشاركنا فى كاس العالم وقدمنا عرض طيب
واظن محدش ينسى هدف الكابتن مجدى عبد الغنى فى منتخب هولندا
فى الوقت اللى المنتخب الهولندى هو الطاحونة وبطل العالم

كل اللى بطلبه من كل مشجع مصرى يعشق منتخب بلده انه يقف ورا المنتخب للنهاية
ونساند المنتخب فى كل الظروف ومهما كانت العقبات احنا ادها
وكلنا امل ان منتخبنا يوصل لكاس العالم و2010 هنتفرج عليه مش عشان هو المونديال
لا ... عشان منتخب مصر هيكون فيه
وليا تعليق على احد اصدقائى العرب قالى كلمة جميلة جدا
قالى يجدع انتم محظوظين اوى انكم عندكم منتخب مصر والنادى الاهلى
حاجة تشرف كدة افراح ديما وانتصارات ديما
قالى اتمنى انى اكون مصرى مش عشان حاجة بس عشان ابقى بن مصر اللى عندها منتخب مشرف
حاجة ترفع معنوياتك كمصرى وتخليك ترفع راسك ولو سالك حد قوله اانا مصرى وابوى مصرى

احنا ادامنا 3 مباريات زامبيا فى زامبيا ورواندا فى رواندا والجزائر فى القاهرة
طبعا مطلوب الفوز فى جميع المباريات واظن منتخبنا ادها
وكلى تفاؤل اننا هنكرر كاس عالم 90 ومباارة الجزائر تكون بوابة العبور
وحاجة مهمة جدا احنا بنقول لازم نركسب كل مباريات الجاية وده المفروض اللى نمشى وراه كلنا
بس فى حاجة منتخب الجزائر لسه ادامه مباريات زينا بالظبط والتعثر وارد جدا فى اى مباراة ليهم
وبجد بجد احنا كنا الافضل فى الجزائر وان شاء الله نكون الفريق الصاعد بعون الله

حاجة اخيرة بطلبها من كل المنتديات انها تعمل حملة ومساندة لمنتخب مصر
احنا اعلاميين من خلال شبكة الانترنت ودورنا اننا نساند منتخب بلدنا
احنا بيشاهدنا الالاف والالاف يوميا اقل حاجة تقدمها دعم ورفع للروح المعنوية لديك ولدى منتخبك

وان شاء الله هنوصل 2010