البوم عمرو دياب...ويــاه...البوم الواقعيــة .. واقــع عشناه ونعيشه وسنعيشـه ..!!!

ويــاه البوم الواقعيــة .. واقــع عشناه ونعيشه وسنعيشـه ..

رجــاء من مشــاهدى الموضوع قبل الرد او قبل اى كــلام

الجلوس فى جو صـامت يتيح لهم التمتع بـاغانى الالبوم ..

تشغـيل الالبوم من اول اغنية فيه وبعدها البداية فـى قراءة الموضوع ..

*ويـــاه

دخول الاغنية تحفيز المستمع تخليك مستعد للدخول فى اغنية مليانة فرحة وطبقة صوت عمرو فى الاغنية تسـاعد على كده وده اللى كــان نفــسى فــيه .. حـلم اتحققله بداية موفقة مليـانة

ويــاه الحـياة احـلى وانا معــاه قدرت اوصل مستمع الاغنية للحالة

المطلوبة ..

****************************

*بــقدم قــلبـى

الاغنية دى فـى رأيى من اقوى اغانى الالبوم فى التجديد اللى عمـرو

معودنا عليه فى كل البوم

تجديد فى الكلمـات تعبر عن حـالة انسـان اول مرة يحـب ( الحـب الاول )

انا ماكانش الحب عمــره فى نيتــى وانا معــاك غيرت وفكرتى اه يا حبيبى
لاقيت فى حبك فرحتى

ايقـاع لاتينى هادى جدا بين اخـتلاف طبقـات صوت عمرو فى كل جزء فى الاغنية

****************************
*كله الا حبيبى

خطـاب شديد اللهجة يقدمه الحبيب دفاعا عن حبيبه فى الكلمة دى بس

يتحدى الدنيا دفاعا عن حبيبه .. وتؤكد شدة وعمـق هذا الحـب ( انا

ليا مين فى الدنيا بعد حبيبى )

قبل سماع الالبوم كونت معترض جدا على تغير التوزيع

لكن بعد سماع الالبوم كامل عرفت الاسباب اللى دفعت عمرو لتغير التوزيع وهى كالتالى

اضـافة ايقاع شرقى لجعل الالبوم شامل كل الاشكال الموسيقية
( الغربى واللاتينى والشرقى )

****************************

*الـله عــلى حــبك انــت

كلمة تعلم على مدى سنين وبعد الاغنية دى هايفضل يتناقلها اى حبيبين

تجديد فى ايقاع التكنو باضافة كورد سبانش فى الباك ساوند

الاغنية عندها ميزة مش غريبة على ديـاب ميزة الجملة الشارخة بمعنى

بمجرد انتهاء عمرو من غناها تلاقى نفسك بترددها وراه ( الله على حبك انت ما بحبش غيرك انت والدنيا عندى انت والدنيا عليك شوية )

اغنية مناسبة جدا للغزل بين حببين وهو ده فن ديـاب المحترم باستخدام الغزل العفيف فى كلمات اغانيه

****************************
صدمـة المستمع

*يـهـمـك فـى ايه

اغنية صادمة بكل المقاييس بعد حـالة من الحب جمال لحظاته بما فيها

فـرحة . تقديم القلب للحبيب . تحدى اى اخطـار ضد حبيبه . غـزل

الانتقـال بالمستمع فجـأة لحزن وقسوة جــرح الحبيب صدمة بكل المقاييس

يهمـك فى ايه . امــوت ولا اعــيش . كلمة تبين درجة الجرح اللى ممكن ينهى اى علاقة

خـلاص انجرحـت لدرجة انـك نسيت اى حاجة بينكم ده واحد انت ماتعرفوش !!!

واهه كـل واحد يعمل اللى يريحه وانا راحتى فى فـراقـك !!!

نفــسك تسـمع ايه شــوية كـلام . تــريح ضميرك بيه ! وهاتفيد بأيـه روح شوف حيــاتك جــرح قلبى سمحــت فيه

كلام يـدل على قسوة جرح الحبيب ( جــرح = فـــراق ) من غـير اى تفـاهم او اى كـلام وعـلى الرغم من قسوتك

****************************

دلـوقتــى ميعـــاد سؤال مهم جداااااا

لما بتكون مصدوم او حزين او خـايف وقلقان بتحتاج ايه ؟؟؟

الاجـابة . حد يطبطب عليك !! ماتزعلش . ماتخافش . ماتقلقش

شـوف بئا داخلة الجيـــتار فى حـلوة الايــام فيهـا الرقة المطلوبة على اذن المستمع للخروج من حالة الصدمة او الحزن

وبجـد الراجل ده عــبقـرى وبيعــرف ازاى يطلع من الاغنية عشان يسمعك اللى بعدهــا

****************************

*حــلوة الايــام

من اجمــل الاغـانى اللى تعبــر عن اجمــل نهاية لاى قصة حـب بين اتنين

وهنا عمرو رجعـك لحــالة الفــرحة الحــلم بحــياة يتمناها الجميع

عـلى الرغم من الجــرح الحــزن القلــق حـــــلوة الايــام

اوعدنــى هاتفضــل طول العمــر فى دنيــايا

دى حــيــاتى عايشهــا فى جــنة طول ما انت معايـا

الـكل يحــلم بجــنة حبيبه ... فــرحــة للى قدر يحقق الحلــم وامــل للى ماقدرش يحققه

لاغــية اللحظة دى

من اول مــرة قابلتك وعــرفتك فيهـــا ولاقيت الدنيــا الحلوة اللى انا بحــلم بيها ...

لا تعــليق على مدى جمــال كلمات الاغنية دى ....

من اجمـل طبقــات صوت عمــرو الطبقة العالية اللى استخدمها فى الاغنية دى

اغنية من الكــتاب الديــابى يسجلها التــاريخ من عنوانهـا ( حلوة الايــام )

حـزين مكتئب قلقان اسمع حلوة الايـام اغنية تنقلك للتفــاؤل فى ثوانى

****************************

*طـــمـــنــى

عــودة لاغــانية الجــملة الشـــارخـة

طمــنى امتى تقـــرب منـــى ده انا عـــاشق مستــنى .. واقف فــى مكــانـى وبنــادى عليك

اغنية خفيفة تحفظها من اول مرة تسمعها

بتبين شــوق الحبيب لحبيبتــه واستعجـاله ميعـاد تحقيق حلمه باللقـاء العيشة فى بيت واحد

اغنية تحفـة بكل المقــا ييس جمعـت بين الكلمات الخفيفة اللى توصـل للمستمع من اوسع الابواب

والبسـاطة فى التعبير اجمـع عليها كثيرين انها من اجمل اغانى الالبوم فى بداية سماعهم ليه

عشـان واضح قوة اداء عمـرو فى اغنية تدخل القلب من اول كلمة فيها

****************************

*مــــالـــك

عـلى الرغم من اخــتلاف النــاس على الاغنية دى الا انى فـى رأيى على الحالة اللى ماشـى عليها الالبوم اغنية محورية

ماينفعش الالبوم من غيرها وهاتعرف السبب فـى اخــر الموضوع

اغــنية تحمـل معــنى الاستهــزاء بحبيب غــادر ويستحــق كده

مش خـلاص حبــيت نــاس قيت معاهم جــاى بتسأل ليه عنـــى من وراهم

فـى رأيى تحقيق مبدأ الـكرامة فـى حـب هذا الغـادر مطلوب وده اللى جـات بيه الاغنية

على الرغم من اااه عمــرو فى الباك ساووند واللى تبين انه مجروح ومدارى

حبيب غـادر وحــب غــيرك وجـاى يسأل عليك اظن هنـا تحقيق العدالة درس لن ينســاه فى الاغنية دى

****************************

*وحـــيــاتــى خـليكـى

كـلمة ( وحيــاتـى ) حلفــان او قســم باللغة الحبايب بيحلفو بعض بيها لتحقيق تمام الثقـة بأنه هايعمل اللى انت هاتحلفه بيه

(وحيـاتى اعــمل كذا ) على سبيل المثــال

خــليكى . امــر شــامل معـنايين حســب الحـالة اللى فيها المستمع

قـرب الحبيب منك ..... وفى الحـالة دى عمــرو بيديك اغنية رومانسية من الطراز الاول ( قــمة الاحســاس )

اغنية تعيشك فعــلا فـى اجمــل لحظــات الحب ..

ايـقــاع جديد وغـريب على الاغنية العربية عموما اعتقد انه جـاز باين من البيـانو اللى فى اول الاغنية

طبقـة صوت عمـرو واداءه فـى الاغنية رومــانســى حــزين من سبب غــامض ( هاقولهولك بعدين )

****************************

*عــــينــى وانا شـــايفه

داخـلة الاغنية حكــاية وضح فيها براعة الشــافعـى بداخلة محفــرة لكل مشــاعر الانســان

خــبرة وعبقــرية عمرو فــى الرؤية الفنــية للألبوم وترتيب الاغــانى

من اقــوى التوزيعـــات فـى تــاريخ الــبومـــات عمـــرو ديـــاب

طبقــة صوت عمــرو وهو داخـل على الاغنية

كـأنه بيقولك اصحــى !! فــوق من السرحــان اللى انت فيه وارجـع لجو الالبوم تااانى

ارجـع لحــالة فـرحة الحــب المســيطرة عــلى الالبوم والاغنية دى بداية نهــاية سعيدة لقصة الالبوم

وان تـاخـر ترتيبها فده زى ما وضحــت عبقـرية ديـــاب عشـ،ان يعــرف ازاى يتحكم فى المستمع ومايخرجوش من جو الفرحة الا فى اخـر الالبوم

بداية نهــاية قصة حــب سعيدة ... ده ملخص الاغنية
مع جملة غـزل عفيف ( الله يا جمــاله هما شــافو ايه )

روعــة التوزيع .. الخــروج من ايقــاع عالى التيمبو مرة واحـدة وبعدها رجــع بصوت عمــرو فى طبقة صوت استاااااذة

****************************

*ااااااااه مـــن الفــــــراااااااق

هنــا وضحت قصــة الالبوم اغنية تعــبر عن حــال كثــيرين

فــراق ( خلينا صحـــاب احســـن )

اصعــب عــذاب ومايحسش بيه الا اللى جــرب لان فى الحــالة دى بيكون الحب موجود

وسبب الفراق عدم التوافق ( يعنى بالبلدى طبع فيه مش عاجبها او طبع فيها مش عاجبه )

ومش قــادرين يتغلبو على العقبة دى

****************************

*بعــدت ليــه

نهــاية تانية لقصة الحــب ... بس المـــرة دى نهـــاية مأساوية

نهــــاية الحـــب نتيجــــة لظروف قـهرية ترغم الطرفين عــلى البعــد مــوقــف وكلنا بنعيش ونجربه

على الرغم من التوافق الشديد .. بتكون النهاية والبعد لظروف خـــارجة عن ارادة كل من الطرفين

فـى الحــالة دى الحب حقيقى . وموجود . بيكون كل من الطرفين نص تانى للاخر وعشان كده البعد فـى الحالة دى

بيكون اصعـــب عذاب لكل منهم ..

****************************

ويــــــاه واقع نعـــــيشه جميعــــا

مين فيــنا عـــاش قصة حــب ؟

ومين فــينا نفسه يعيش قصة حــب ؟

اكيد الاجـــابة من الكــل على السؤالين سوا ... انا عشــت او انا نفــسى اعــيش القصة دى ...

*************(مزيكا سفن داي)***************

**قصـــــة الالـــبوم

من اول البوم ليلى نهــــارى وعمرو بدأ فى توحيد الجــانب النفــسى فــى الالبوم

بمعـــنى ان الالبوم بيكون كتلة واحدة . كيـــان واحد . قصــة واحدة مترابطة الاحـــداث

فلو كان ســـاب نهاية القصة . حـــالمة برجوع الحبيب ( فــى البوم ليلى نهـــارى ) اغنية يدق البــاب ( بعد اغــانى زى وحشتينى . قصــاد عينى. خد قلبى معــاه .)

غــامضــة فى البوم كــمل كــلامك باغنية ( اغيب اغيب )

رومانسية قوية فى البوم الليلادى واغنية ( خليك معايا )

جـــــاء البوم ويــــــــــــاه ليقدم قصة حــب كاملة باربع نهايات ماتخرجش عنهم اى قصة حــب عشناها او بنعيشها او هانعيشها

عشـــان كده الالبوم وااااقعــى كـل واحد هايلاقى قصته فــى الالبوم ده ...........

وده البوم الواقع ... ويـــــاه .. عبقرية ديـــاب وفريق العمــل بالكامل لخصت كل حكاية حــب فى 12 اغنية

فـهـــــل مـــن مـــنــــافــــس للهضـــبة ؟

اتمــنى الموضوع يعجبكــم

منتديات مزيكا سفن داي... دلوعه المنتديات

تحــيــاتــى
مستر / محمد الشيمي